Halos tanang mga Pilipino ang nagtuo nga dako ug tabang alang kanila ang mga ayuda nga gipangtunol sa kagamhanan.
Sumala sa mga survey sa Social Weather Stations ug Pulse Asia nga gi-komisyon sa Stratbase Group, 90 porsiyento sa mga Pinoy ang nagtuo nga makatabang ang Pantawid Pamilyang Pilipino Program kon 4Ps labi na sa mga pobre nga komunidad.
Kapin unom sab sa kada napulo ka mga Pilipino o 66 percent ang nag-ingon nga dako kaayo ug tabang alang sa mga kabus ang 4Ps.
Sa samang mga sarbey, halos siyam sa kada Pilipino (88 porsiyento) ang dakong uyon sa Tulong Panghanapbuhay Para sa Ating Disadvantaged/Displaced Workers kon TUPAD Program.
Otsentay uno porsyento pod sa mga gi-survey ang nag-ingon nga makatabang kaayo kanila ang Ayuda sa Kapos ang Kita Program (AKAP), Walang Gutom Program (WGP) ug ang Assistance to Crisis Situations (AICS).
Samtang 82 percent sa gipangutana ang nagtuo nga nakatabang ang 4Ps aron mapalambo ang pinanasyal nga kahimtang sa mga gitawag lower-income households.
Mayoriya sa mga gipang-survey nagsulti nga dakong tabang ang TUPAD ug 4Ps alang sa paghatag kahigayonan nga makatrabaho ug dunay panginabuhian ang mga kabos nga Pilipino.
Gipahigayon ang maong mga survey ngadto sa 1,800 hangtod 2,400 ka mga respondents.
Duna kini ±2% nga margin of error.
