Gipasidunggan ang duha ka mga sakop sa SWAT Davao del Norte og Medalya ng Sugatang Magiting nga sila PSSg Evan S Tapayan ug PCpl Jayson D Baliad.
Mismong si PBGen. Leon Victor Rosete, Regional Director PRO XI ug Vice Governor de Carlo Oyo Uy ang mihatag sa medalya ug cash assistance dungan sa ilang pagbisita sa duha sa Davao Regional Medical Center.
Ang office of the Vice Governor usab ang mobayad sa medical expenses sa duha ka mga pulis.
Ang maong duha ka mga pulis nasamdan sa nahimong engkwentro didto sa Camella Trails, Tagum City human gisilbi ang warrant of arrest sa duha ka mga murder suspect.
Dako ang pagsaludo ni Vice Gov. Oyo sa duha sa ilang kaisog dungan sa malampusong police operation.
