Usa ka 14-anyos nga Babaye nga na-missing ang patay na nga napalgan human nakalotan sa gilubngang bangag didto sa Purok 4 Napo, Barangay Little Panay, Panabo City, Davao del Norte Marso 1, 2025 sa gabii.
Giingong brutal gayod ang kamatayon sa biktima gumikan una kini gipatay ug gilubong gilugos pa kini sa suspek.
Sa report sa Davao del Norte Police Provincial Office giila ang biktima nga si Alyas Ash, 14-anyos ug residente sa Purok 3-C Barangay San Francisco, Panabo City.
Una niini niadtong February 28, 2025 ang amahan sa biktima nga si Gerry Borrasca ang mi-report ngadto sa Panabo PNP aron ipa- blotter ang pagka-missing sa anak nga Dalagita.
Nadiskobrehan na lamang sa bag-ong gitabunang bangag gilubong ang biktima ug patay na kining napalgan sa yuta nga gipanag-iyahan sa suspek nga nailhang si MARK PALTINCA BERNABE, 40-anyos ug residente sa Purok 3-C Barangay San Francisco, Panabo City.
Natumbok ang suspek human kini nakit-ang katapusang kuyog sa biktima.
Nadakpan usab sa kapulisan ang suspek nga anaa na Karon sa kostudiya sa Panabo PNP .
